17 მაისს პოლიციამ თავისი მოვალეობა ყველაზე უკეთ შეასრულა - დავით უსუფაშვილი
17 მაისს პოლიციამ თავისი მოვალეობა ყველაზე უკეთ შეასრულა, - ასე გამოეხმაურა საქართველოს პარლამენტის თავმჯდომარე დავით უსუფაშვილი ჰომოფობიის წინააღმდეგ ბრძოლის საერთაშორისო დღეს თბილისში განვითარებულ მოვლენებს. მისივე თქმით, არც ერთი შეხედულების, ორგანიზაციის თუ რელიგიური მრწამსის წარმომადგენელს არ აქვს იმუნიტეტი და საქართველოს კანონებით და კონსტიტუციით სხვისი ცემა, ქონების დაზიანება, საფრთხის შექმნა სხვისი ჯანმრთელობისთვის არის დასჯადი ქმედებები. 17 მაისის მოვლენებს აშშ-ის ელჩის მოვალეობის შემსრულებელიც კიდევ ერთხელ გამოეხმაურა.