ეს ყველაფერი სიმართლესთან ახლოს ნამდვილად არ არის, - ასე ეხმაურება საგარეო საქმეთა მინისტრის მოადგილე ხათუნა თოთლაძე გავრცელებულ ინფორმაციას იმის შესახებ, რომ საქართველოს ხელისუფლება ამერიკის შეერთებული შტატების ელჩის თანამდებობაზე ბრიჯიტ ბრინკსის კანდიდატურას ბლოკავს.

"ამერიკის შეერთებულ შტატებზე ვსაუბრობთ, რომელიც საქართველოს სტრატეგიული პარტნიორია. ამიტომ ვფიქრობ, რომ მსგავსი ხასიათის განცხადებების გამეორება დამაზიანებელია, მათ შორის, მედიის მხრიდან" - განაცხადა თოთლაძემ. შეგახსენებთ, რომ Foreign Policy-ს ჟურნალისტები წყაროებზე დაყრდნობით წერენ, რომ ამერიკული მხარე საქართველოში აშშ-ის ელჩის პოზიციაზე ბრიჯიტ ბრინკსს განიხილავდა, თუმცა რამდენიმე პირი საქართველოს მთავრობაში მას ქვეყნის ყოფილი პრეზიდენტის, მიხელ სააკაშვილის მიმართ კეთილგანწყობილ ფიგურად მიიჩნევდა.