"მინდა ჩემი შვილის საფლავზე ავიდე და ვუთხრა..." - ლიბიაში გარდაცვლილი 23 წლის მეზღვაურის დედის ემოციური თხოვნა
დავით რაზმაძე მარშალის კუნძულების დროშის ქვეშ მცურავ თურქულ გემზე მუშაობდა. ის ლიბიაში, მისურატას ნავსადგურში 7 იანვარს გაუჩინარდა, თუმცა, დამსაქმებელმა ოჯახს ამის შესახებ მხოლოდ 14 იანვარს შეატყობინა. ქართველი მეზღვაურის ადგილსამყოფელის დადგენას საქართველოს საზღვაო ტრანსპორტის სააგენტო 16 იანვრიდან ცდილობდა. 21 იანვარს სააგენტოს დირექტორმა თამარ იოსელიანმა განაცხადა, რომ ზღვაში ქართველი მეზღვაურის ცხედარი იპოვეს. დედის კომენტარს "პრაიმტაიმი" ავრცელებს.