მართვის მოწმობის თეორიული გამოცდის პასუხების მოქმედების ვადა გაიზრდება - პალიტრა ვიდეო

მართვის მოწმობის თეორიული გამოცდის პასუხების მოქმედების ვადა გაიზრდება. ამის შესახებ შინაგან საქმეთა სამინისტროს მიერ მომზადებულ კანონპროექტშია აღნიშნული. პროექტის თანახმად, მისი შედეგების მოქმედების ვადის 1 თვიდან 1 წლამდე გაზრდა იგეგმება.

ამასთან, პროექტში საუბარია, რომ უნდა მოხდეს მართვის მოწმობის პრაქტიკული გამოცდის მე-2 ეტაპის დანერგვაც.

შეგახსენებთ, რომ მთავრობა ამ კანონპროექტის წარდგენას პარლამენტში გასული წლის საშემოდგომო სესიაზე გეგმავდა, თუმცა, ეს ვერ მოხერხდა. შესაბამისად, ცვლილებათა პროექტის წარდგენა საკანონმდებლო ორგანოში ამ წლის საგაზაფხულო სესიისთვის გადავადდა.