X
3 ლოკაცია, სადაც მთავრობა აზარტული თამაშების განვითარებას ხელს შეუწყობს
12:26 / 14-02-2019
მთავრობა გრიგოლეთში, ურეკსა და ფოთში აზარტული თამაშების განვითარებას ხელს შეუწყობს. ამას ითვალისწინებს ეკონომიკის სამინისტროს მიერ მომზადებული კანონპროექტი, რომლის განხილვაც საგაზაფხულო სესიაზე იგეგმება. პროექტი აღნიშნულ ტერიტორიებზე სამორინეს მოწყობის სანებართვო მოსაკრებლის განსხვავებული განაკვეთით დაბეგვრას გულისხმობს.

ამასთან, გრიგოლეთში, ურეკსა და ფოთში, ახლად აშენებული არანაკლებ ოთხმოცნომრიანი სასტუმროს ტერიტორიაზე სამორინეს მოწყობის შემთხვევაში, ნებართვის გაცემიდან 10 წლის მანძილზე, ინვესტორი სანებართვო მოსაკრებლის გადახდისაგან გათავისუფლდება.

აფბას ანალიტიკოსის განმარტებით, კანონპროექტის მიღება ტურისტული პოტენციალის გაზრდის მიმართულებით კარგი გადაწყვეტილებაა, თუმცა გიორგი კაპანაძე სათამაშო ბიზნესის რეგულირების გამკაცრების აუცილებლობაზეც საუბრობს.

ცნობისთვის, აზარტული თამაშები ერთ-ერთი ყველაზე მომგებიანი ბიზნესია საქართველოში. 2017 წელს სათამაშო ბიზნესის ბრუნვამ 5 მილიარდ 650 მილიონი ლარი შეადგინა. აქედან კი ბიუჯეტში მხოლოდ 332 მილიონი ლარი შევიდა.




ბოლო სიახლეები
Autoplay
პოპულარული
ირანის ხელისუფლება მალავს რეალურ ინფორმაციას დაავადებულების შესახებ - რას ჰყვება ფერეიდნელი ქართველი ირანში კორონავირუსის გავრცელებაზე
შეცვლიან თუ არა გახარიას რამდენიმე დღეში და ვინ იქნება შემდეგი პრემიერი?
ქართველი "ლუი ანდერსონი", რომელიც 3 წლის წინ, მთელმა საქართველომ შეიყვარა, უმძიმეს მდგომარეობაშია