დღეს მხოლოდ თბილისში 50-მდე მაღაზიაა, რომლებშიც ცივი იარაღი, მათ შორის: დანა, კასტეტი, ელექტროშოკი, ხელკეტი და სხვა თავისუფლად იყიდება. გაყიდვის ობიექტების დიდი ნაწილი სკოლებთან ახლოს მდებარეობს. კანონით, არასრულწლოვნისთვის ცივი იარაღის მიყიდვა აკრძალულია, თუმცა კანონი არ სრულდება. მხოლოდ ბოლო 3 წლის განმავლობაში, თბილისის სკოლებიდან 540 ბასრი საგანია ამოღებული.

თბილისის მასშტაბით, დღის განმავლობაში, ქუჩაში 300-მდე დანა და სხვა ცივი იარაღი იყიდება და მათი მყიდველების დიდი ნაწილი არასრულწლოვანია. ეს სწორედ ის დანებია, რომლებითაც შემდეგ ის გახმაურებული დანაშაულები ხდება, რომლებსაც სხვადასხვა მედიასაშუალებით ასე ხშირად ვისმენთ. თითქოს, ამ მოცემულობას ჩვენ უკვე, როგორც ჩვეულებრიობას, ისე ვიღებთ.

სოციალური პროექტით: „მოგისმენიათ, როგორ ჟღერს გულგრილობა?“ კრეატიული სააგენტო "watergunz"-ი საქართველოს მოსახლეობას მოუწოდებს, რომ პეტიციაზე ხელის მოწერით შეიცვალოს არსებული მდგომარეობა. სრული ტექსტი