X
მიკროსაფინანსო ორგანიზაციების მიერ ფიზიკურ პირებზე გაცემული კრედიტის უმეტესი ნაწილი სამომხმარებლო და ლომბარდულ სესხებზე მოდის
18:31 / 26-02-2019
მიკროსაფინანსო ორგანიზაციების მიერ ფიზიკურ პირებზე გაცემული კრედიტის 30,6% - სამომხმარებლო, 27,2% კი ლომბარდულ სესხებზე მოდის. მისო-ების 2018 წლის მეოთხე კვარტლის კონსოლიდირებული მონაცემების მიხედვით, კომპანიებმა ჯამში მილიარდ 101 მილიონი ლარის მოცულობის სესხი გასცეს, საიდანაც ყველაზე მეტი - 337 მილიონ 100 ათასი ლარი სამომხმარებლო სესხი იყო.

გაცემული სესხების მოცულობით მეორე ადგილზეა სალომბარდე მომსახურება. კერძოდ, 2018 წლის მეოთხე კვარტლის მონაცემებით, მიკროსაფინანსოებმა 299 მილიონ 800 ათასი ლარის ლომბარდული სესხი გასცეს. აღსანიშნავია, რომ საანგარიშო პერიოდში მიკროსაფინანსოების მიერ ყველაზე მცირე თანხა - 32 მილიონ 200 ათასი ლარი განვადებაზე გაიცა.

ცნობისთვის, გასული წლის მეოთხე კვარტლის მონაცემებით, მიკროსაფინანსოების მიერ სულ 786 ათას 117 სესხია გაცემული. აქედან ფიზიკურ პირებზე მილიარდ 80 ათასი ლარის 785 ათას 239 კრედიტი, იურიდიულ პირებზე კი 21 მილიონ 200 ათასი ლარის 878 სესხი გაიცა.

ცნობისთვის, საანგარიშო პერიოდში ბაზარზე 67 მიკროსაფინანსო ორგანიზაცია ოპერირებდა.



ბოლო სიახლეები
Autoplay
პოპულარული
"არაფერი არ მიცხოვრია, განადურებული ვარ" - რას ჰყვება 22 წლის ხაშურელი ქალი, რომელმაც ტყუპი გოგონა გააჩინა, შინ დაბრუნებულს კი მეუღლე გარდაცვლილი დახვდა
ვინ არის ქართველი მხატვარი, რომელმაც კოსმოსში გამოფენა მოაწყო - ნახეთ უნიკალური ვიდეომასალა სტრატოსფეროდან
ჩხუბი და დასისხლიანებული მონაწილეები რუსულ არხზე - პოლიციამ სტუდიაშივე დააკავა მამაკაცი, რომელსაც 14 წლის გოგონას შეცდენას აბრალებენ