რა არის ცნობილი გლდანში, "საქართველოს ბანკზე" მომხდარი თავდასხმის შესახებ? - ახალგაზრდა გოგო და ბიჭი საკუთარი მანქანიანად გაიტაცეს - პალიტრა ვიდეო

არსებული ინფორმაციით, გლდანში, "საქართველოს ბანკზე" თავდამსხმელები ტერიტორიიდან გატაცებული ავტომობილით მიიმალნენ. როგორც "პალიტრანიუსისთვის" არაოფიციალურად გახდა ცნობილი, საუბარია "სუზუკის" მარკის ავტომობილზე, რომელიც თავდამსხმელებმა ორ ადამიანთან ერთად, ბანკზე თავდასხმამდე ჯერ კიდევ რამდენიმე საათით ადრე გაიტაცეს.

"პალიტრანიუსის" ინფორმაციით, ახალგაზრდა გოგო და ბიჭი, რომლებიც საკუთარი მანქანიანად გაიტაცეს, მოგვიანებით კი ბანკის ტერიტორიაზე, ყაჩაღობის ადგილზე დატოვეს, ამ დროისთვის დაკითხვაზე იმყოფებიან.