კორპუსის ათივე სართულზე ბუნებრივი აირის მძაფრი სუნი იდგა - დიდ დიღომში, ახალაშენებულ კორპუსში, სავარაუდოდ, ბუნებრივმა აირმა გაჟონა
დიდ დიღომში, ავთანდილის 6 ნომერში, ახალაშენებულ კორპუსში, სავარაუდოდ, ბუნებრივმა აირმა გაჟონა. აღნიშნული ინფორმაცია "პალიტრანიუსს" კორპუსის მცხოვრებლებმა მიაწოდეს. მათი თქმით, საღამოს ცხრა საათისთვის კორპუსის ათივე სართულზე ბუნებრივი აირის მძაფრი სუნი იდგა, რის გამოც მათ შესაბამის სამსახურებს აცნობეს. მცხოვრებლების თქმით, კორპუსში გაზის მიწოდება არ შეწყვეტილა, თუმცა, ამის მიუხედავად, მობინადრეთა ნაწილმა შენობა დატოვა.