"დაიჭირეს, შეათრიეს შიგნით, გახეთქეს ცემაში, დააბეს, ფულს სთხოვდნენ", - გლდანში სამი ნიღბიანი ახალგაზრდა საცხოვრებელ ბინაში შეიჭრა
მორიგი ძარცვა თბილისში. სამი ახალგაზრდა, ნიღბიანი პირი გლდანის მეექვსე მიკრორაიონში, ერთ-ერთ საცხოვრებელ ბინაში შეიჭრა. შეჭრიდან რამდენიმე წუთში სახლში ქალბატონი მივიდა, რომელიც დაკეტილ ბინას მეთვალყურეობდა. ნიღბიანები მას ფიზიკურად გაუსწორდნენ, შეკრეს, სახლიდან სხვადასხვა ნივთი წაიღეს და მიიმალნენ. გამოძიება ძარცვის მუხლით მიმდინარეობს. უკვე გამოიკითხნენ მეზობლები და დაზარალებული, რომლის დროებით საავადმყოფოში გადაყვანაც გახდა საჭირო.