ესპანეთში წარმატებული ქართველი მორაგბე გიორგი რეხვიაშვილი ორთაჭალაში ავარიის დროს გარდაიცვალა - პალიტრა ვიდეო

გუშინ საღამოს ორთაჭალაში ავტოსაგზაო შემთხვევას ორი ადამიანის სიცოცხლე ემსხვერპლა. ამის შესახებ Ambebi.ge-ს საქართველოს შინაგან საქმეთა სამინისტროში განუცხადეს. მათი ცნობით, ერთი ადამიანი ადგილზე გარდაიცვალა, მეორე კი - საავადმყოფოში. დაშავებულია ორი ადამიანი.

შსს-ში აცხადებენ, რომ გამოძიება სისხლის სამართლის კოდექსის 276-ე მუხლით დაიწყო, რაც სატრანსპორტო საშუალების უსაფრთხოების ან ექსპლუატაციის წესების დარღვევას გულისხმობს.

Ambebi.ge-ს ინფორმაციით, გარდაცვლილი ქართველი მორაგბე გიორგი რეხვიაშვილია. იგი ესპანეთის ერთ-ერთ კლუბში თამაშობდა და საქართველოში რამდენიმე დღის წინ ჩამოვიდა. 30 წლის სპორტსმენს მეუღლე დარჩა.