სალომე ზურაბიშვილი უკრაინის პრეზიდენტის ინაუგურაციას დაესწრო, რომელიც დღეს გაიმართა. საქართველოს პრეზიდენტის სახელის გამოცხადებას რადაში მქუხარე აპლოდისმენტები მოჰყვა. სალომე ზურაბიშვილს უკრაინელი დეპუტატები ფეხზე წამოუდგნენ.

საქართველოსა და უკრაინის პრეზიდენტების შეხვედრა ინაუგურაციის შემდეგ გაიმართა.

მხარეებმა შეხვედრისას ქართულ-უკრაინული ურთიერთობების განვითარების მიმართულებები განიხილეს და გამოთქვეს რწმენა, რომ სამომავლოდ სტრატეგიული პარტნიორობა კიდევ უფრო გაღრმავდება. სალომე ზურაბიშვილმა ვლადიმერ ზელენსკი საქართველოში მოიწვია.

ინფორმაციას შეხვედრის შესახებ უკრაინის პრეზიდენტის ადმინისტრაცია ავრცელებს.

ასევე იხილეთ: კურიოზები ვლადიმერ ზელენსკის ინაუგურაციიდან

სამი ყველაზე ემოციური ნაწყვეტი ვლადიმერ ზელენსკის საინაუგურაციო სიტყვიდან, რომლითაც დღეს ყველა აღფრთოვანდა