X
რა ხდება ჭიათურაში, სადაც გაფიცულ მაღაროელებს სოლიდარობა სკოლებისა და ბაღების ნაწილმაც გამოუცხადა
13:08 / 27-05-2019
ჭიათურაში სკოლებისა და ბაღების ნაწილი გაიფიცა. გაფიცულები მაღაროელებს სოლიდარობას უცხადებენ. როგორც ერთ-ერთი მაღაროელი გელა ბაძგარაძე "ინტერპრესნიუსთან" აცხადებს, გაფიცული პედაგოგები მათ შეუერთდნენ.

"გაიფიცნენ სკოლები და ბაღები. ისინი შემოგვიერთდნენ და სოლიდარობას გვიცხადებენ. იზიარებენ ჩვენს მოთხოვნებს და მოითხოვენ, მძიმეწონიანმა მანქანებმა ქალაქში არ იარონ. ჩვენ გაფიცვას ვაგრძელებთ, ვიდრე მოთხოვნები არ დაკმაყოფილდება", - განაცხადა გელა ბაძგარაძემ.

მისი თქმით, ბოლო შეხვედრის შემდეგ მათ ადმინისტრაციის წარმომადგენლები არ შეხმიანებიან. მაღაროელები "ჯორჯიან მანგანეზის" წარმომადგენლებს გუშინ შეხვდნენ. შეხვედრა უშედეგოდ დასრულდა.

ჭიათურაში მაღაროელები 16 მაისს გაიფიცნენ. რამდენიმე მაღაროელი შიმშილობს. ერთი მათგანი გუშინ შეუძლოდ გახდა, თუმცა საავადმყოფოდან კვლავ კარავში მივიდა. მაღაროელები ხელფასების გაზრდას და სამუშაო პირობების გაუმჯობესებას მოითხოვენ.




ბოლო სიახლეები
Autoplay
პოპულარული
"არაფერი არ მიცხოვრია, განადურებული ვარ" - რას ჰყვება 22 წლის ხაშურელი ქალი, რომელმაც ტყუპი გოგონა გააჩინა, შინ დაბრუნებულს კი მეუღლე გარდაცვლილი დახვდა
ვინ არის ქართველი მხატვარი, რომელმაც კოსმოსში გამოფენა მოაწყო - ნახეთ უნიკალური ვიდეომასალა სტრატოსფეროდან
ჩხუბი და დასისხლიანებული მონაწილეები რუსულ არხზე - პოლიციამ სტუდიაშივე დააკავა მამაკაცი, რომელსაც 14 წლის გოგონას შეცდენას აბრალებენ