რა პრობლემები გვრჩება პოლიტიკოსები რომ გავაქროთ - ის, რაც ბოლო პერიოდის მძიმე პოლიტიკურმა პროცესებმა დაგვავიწყა - პალიტრა ვიდეო

თეო ცუცქირიძე

ქვეყანაში მიმდინარე მწვავე პოლიტიკური პროცესებიდან გამომდინარე, მედია მეტწილად, პოლიტიკოსებსა და მათ აქტივობებს უთმობს დროს.
ტელევიზორში ძირითადად პოლიტიკური აქტორები ჩანან. პირდაპირი ეთერის საშუალებით, რეალურ დროში შუქდება მათი თითქმის ყველა ნაბიჯი, თუ საჯარო გამოსვლა სხვადასხვა ტრიბუნიდან.

მედია აშუქებს ყველაფერს პოლიტიკოსებზე: რას იტყვიან, შემდეგ მათ ნათქვამზე რას იტყვის სხვა პოლიტიკოსი, როგორი იქნება პასუხის პასუხის პასუხი და ასე უსაშველოდ. ამასობაში კი, საქართველოს რიგით მოქალაქეებს უამრავი ყოფითი პრობელმა აწუხებს, თუმცა, სწორედ იმის გამო, რომ ტელეეკრანებზე მთავარ როლებში პოლიტიკოსები არიან, ჩვენი თანამოქალაქეთა ბევრი სოციალური პრობლემა ყურადღების მიღმა რჩება...