X
წელიწადში რამდენ მილიონს შოულობს ჭყონიას "მაკდონალდსი" საქართველოში - კომპანიის ანგარიშები ცნობილია
15:25 / 19-07-2019
"ბიზნესპრესნიუსი" შეეცადა, ფინანსური ანგარიშგებების ვებგვერდზე გადაემოწმებინა, თუ როგორია კომპანიის შემოსავლები და მოგება.

როგორც ანგარიშგებიდან ირკვევა, კომპანია 1-ელ კატეგორიაშია, რაც ნიშნავს, რომ კომპანიის აქტივების ჯამური ღირებულება 50 მილიონ ლარს, შემოსავალი 100 მილიონ ლარს, დასაქმებულთა საშუალო რაოდენობა კი 250-ს აღემატება.

რაც შეეხება "თ და კ რესტორნების" ფინანსურ მაჩვენებლებს, როგორც კომპანიის ანგარიშგებიდან ირკვევა, მისი შემოსავალი 2017 წელს 2016 წელთან შედარებით გაიზარდა.

კერძოდ, ანგარიშგების თანახმად, შპს "თ და კ რესტორნების" მთლიანი სრული შემოსავალი 2017 წლის 31 დეკემბრის მდგომარეობით, 30,340,367 ლარი, შემოსავალი - 63,685,685 ლარი, პირდაპირი ხარჯები კი - 49,823,292 იყო. ცნობისთვის, მთლიანი სრული შემოსავალი არის შემოსავალსა და ხარჯებს შორის არითმეტიკული სხვაობა.

რაც შეეხება მოგებას, 2017 წელს კომპანიის წლიური წმინდა ზარალი/(მოგება) - 1,628,258 ლარი, საერთო მოგება - 13,862,393 ლარი იყო; მოგების გადასახადის ხარჯმა კი - 247,678 ლარი შეადგინა. ამასთან, როგორც ანგარიშგებიდან ირკვევა, 2017 წლის 31 დეკემბრის მდგომარეობით, შპს "თ და კ რესტორნების" საკუთრებაში 92,577,019 ლარის აქტივები იყო.

ამასთან, როგორც კომპანიის ანგარიშგებაშია ასახული, 2017 წლის მონაცემებით, მომხმარებლებისგან მიღებული ფულადი სახსრები - 76,782,687 ლარს, მომწოდებლებსა და თანამშრომლებზე გადახდილი თანხები კი 65,218,512 ლარს შეადგენდა.

სრული სტატიის ნახვა
ბოლო სიახლეები
Autoplay
პოპულარული
არჩილ თალაკვაძემ ბიუროს სხდომა ისე გახსნა, რომ არც ერთი სიტყვა არ უთქვამს სპეცრაზმის მიერ აქციის დაშლაზე - რაზე ისაუბრა პარლამენტის თავმჯდომარემ
რას ამბობს იმ სალობიეს მფლობელი, რომელშიც გასულ ღამეს სალომე ზურაბიშვილი ლობიოს ჭამდა
მომენტი, როცა სოხუმში "კანონიერი ქურდები" ჩაცხრილეს - ვიდეოთვალის კადრები
"მადლობელი ვარ გუბაზის, ვალერის რომ კიევში ჩამოვიდნენ" - გუბაზ სანიკიძე და ვალერი გელბახიანი კიევში მიხეილ სააკაშვილთან ერთად გიორგობას აღნიშნავენ