როგორია ახალი ავტობუსები, რომლებიც სექტემბრიდან თბილისში შემოვა - პალიტრა ვიდეო

თბილისის მერი კახა კალაძე თურქეთში ISUZU-ს ქარხანას ეწვია და თბილისისთვის განკუთვნილი 8-მეტრიანი ავტობუსები დაათვალიერა. დედაქალაქის მერის თქმით, 8-მეტრიანი 220 ერთეული ავტობუსის პირველი პარტია სექტემბერში შემოვა და მისი შემოყვანა წლის ბოლომდე დასრულდება.

ISUZU-ს მარკის 8-მეტრიანი ავტობუსები გათვლილი იქნება 53 მგზავრზე და სრულად ადაპტირებული შშმ პირთათვის. ავტობუსები უზრუნველყოფილი იქნება ინტეგრირებული გათბობის, კონდიცირების და ვენტილაციის, საინფორმაციო ხმოვანი და ანტივანდალური ვიდეომონიტორინგის სისტემებით. ავტობუსებში ასევე იქნება usb-დამტენები და WiFi.