"მე ჯერჯერობით ცოცხალი ვარ და შემიძლია ზუსტად მოგიყვეთ, რა მამოძრავებდა" - სააკაშვილი აგვისტოს ომის შესახებ "იმედზე" გასულ ფილმზე - პალიტრა ვიდეო

ის ბრალდება, რომ თურმე ჩვენ დავიწყეთ ომი იმის გამო, რომ მე მქონდა შერყეული პოლიტიკური სიტუაცია საქართველოში, გათვლილია კლინიკურ იდიოტებზე და უბრალოდ სკლეროზიან ადამიანებზე, - ასე ეხმაურება საქართველოს ყოფილი პრეზიდენტი მიხეილ სააკაშვილი ტელეკომპანია "იმედის" ეთერში 11 აგვისტოს გასულ ფილმს "ჩვენ მშვიდობით მოვიგებთ სხვის დაწყებულ ომს".

სააკაშვილის განცხადებით, ჩვენ კი არ დავესხით რუსეთს თავს, იმიტომ, რომ ხელისუფლება შეგვერყა, პირიქით, იმის გამო, რომ განვამტკიცეთ ხელისუფლება. რუსეთმა გადაწყვიტა ჩვენზე თავდასხმა.