loader

"ცოტა ზრდილობიანად, ცუდ ტონზე ხარ" - გიგა ბოკერია და მამუკა მდინარაძე პარლამენტში ერთმანეთს დაუპირისპირდნენ - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"ცოტა ზრდილობიანად, ცუდ ტონზე ხარ" - გიგა ბოკერია და მამუკა მდინარაძე პარლამენტში ერთმანეთს დაუპირისპირდნენ

პარლამენტის პლენარულ სხდომაზე ერთმანეთს "ევროპული საქართველოს" წევრი გიგა ბოკერია და ფრაქცია "ქართული ოცნების" თავმჯდომარე მამუკა მდინარაძე დაუპირისპირდნენ. დეპუტატებმა ერთმანეთს შეურაცხმყოფელი ფრაზებით მიმართეს.

მამუკა მდინარაძემ ოპოზიციონერ დეპუტატს "ტუტუცი", ნაგავი" მას შემდეგ უწოდა, რაც ბოკერიამ მას ასე მიმართა: "ნუ უზრდელობ. თითის ქნევასაც მიიღებ და მშობლების ცუდად მოხსენიებასაც".

"აყვა ბიჭი და დამიწყო აქ ძველბიჭობა. ადრე გეძველბიჭა", - მიმართა მამუკა მდინარაძემ ბოკერიას.

დეპუტატებს შორის სიტყვიერი დაპირისპირება მას შემდეგ დაიწყო, როდესაც გიგა ბოკერიამ დეპუტატ შოთა ხაბარელის მიერ მისთვის დასმულ კითხვაზე პასუხის გაცემა სცადა. სპორტის კომიტეტის თავმჯდომარის მოადგილემ ბოკერიას ჰკითხა, არის თუ არა სპორტის სფეროში არსებული მიღწევები მთავრობის დამსახურება. როგორც ბოკერიამ კითხვის პასუხად განაცხადა, ეს მთავრობის დამსახურება არ არის. მისივე თქმით, ეს თავად სპორტსმენების დამსახურებაა, რაზეც მამუკა მდიმარაძემ მას მიუთითა, რომ კითხვაზე მოკლედ ეპასუხა: კი ან არა.

პარლამენტის თავმჯდომარე არჩილ თალაკვაძემ გიგა ბოკერიას დამშვიდებისკენ და ეთიკის ნორმების დაცვისკენ მოუწოდა. ინციდენტის შემდეგ ორივე დეპუტატმა პლენარულ სხდომათა დარბაზი დატოვა.