X
როგორ გავრეცხოთ სწორად "დუტის" ქურთუკი - ეს ბევრმა არ იცის!
15:52 / 20-01-2020
სიცივეების დაწყებასთან ერთად, ყველანი ვიწყებთ ზაფხულში საგულდაგულოდ შენახული თბილი ტანსაცმლის გამოღებას ან ახლის შეძენას. ბევრი ჩვენგანი სიცივეში ე.წ. დუტის ქურთუკებს ანიჭებს უპირატესობას, რადგან ეს ნამდვილად ძალიან თბილი, მოსახერხებელი და პრაქტიკული სამოსია.

ბევრმა, ალბათ, იცის, რომ სეზონის დასაწყისში, ჩაცმამდე, ისევე, როგორც სეზონის დასასრულს, აუცილებელია "დუტის" გარეცხვა და განიავება. ამის გაკეთება სარეცხ მანქანაშიც შეიძლება, მაგრამ გარკვეული პირობების დაცვით. ამიტომ, იმისათვის, რომ ჩვენი ქურთუკი არ დაზიანდეს და ეფექტურადაც გაირეცხოს, აუცილებელია ვიცოდეთ სარეცხ მანქანაში "დუტის" რეცხვის რამდენიმე წესი.

1. გარეცხვამდე შეკარით ელვა-შესაკრავი და ღილები. მოხსენით ბეწვის ელემენტები. გადააბრუნეთ ქურთუკი შიდა მხარეს.

2. სარეცხ მანქანაში მოათავსეთ მხოლოდ ერთი ქურთუკი და არაფერი სხვა.

3. გამოიყენეთ მხოლოდ დელიკატური რეცხვისთვის განკუთვნილი თხევადი სარეცხი საშუალება. ნუ გამოიყენებთ ფხვნილს!

4. აირჩიეთ ყველაზე დელიკატური რეცხვის რეჟიმი. რეცხეთ დაბალ ტემპერატურაზე, უმჯობესია 30 გრადუსზე. გაავლეთ მინიმუმ 3-ჯერ.

5. იმისათვის, რომ გარეცხვის შემდეგ "დუტმა" ფორმა არ დაკარგოს, სარეცხ მანქანაში რეცხვისას მასთან ერთად მოათავსეთ 3-4 ცალი ჩოგბურთის ბურთი. არსებობს ასევე სპეციალურად სარეცხისთვის განკუთვნილი ბურთები, ისეთი, როგორიც ფოტოზეა ნაჩვენები. თუმცა ჩოგბურთის ბურთიც კარგად მუშაობს, მხოლოდ აუცილებლად წინასწარ გარეცხილი უნდა იყოს. 

6. გააშრეთ "დუტი" სუფთა ჰაერზე. არავითარ შემთხვევაში არ მოათავსოთ ცეცხლთან ან გათბობის მოწყობილობასთან! სანამ ბოლომდე გაშრება, დროდადრო გაფენილი "დუტი" გაფერთხეთ, რათა შიგთავსი გაასწოროთ.
ტეგები:
ბოლო სიახლეები
Autoplay
პოპულარული
სამწუხაროდ, კუნძულზე ვირუსი სწრაფად ვრცელდება - რა ვითარებაშია გიორგი ლორია
მეცნიერებმა კორონავირუსის ორგანიზმში შეჭრის კიდევ ერთი გზა დაადგინეს
არის თუ არა უსაფრთხო სასეირნოდ გასვლა? - იმუნოლოგ ბიძინა კულუმბეგოვის პასუხი 
პანდემია შეიძლება დასრულდეს მაის-ივნისში, თუმცა... - ამირან გამყრელიძე
კორონავირუსით ინფიცირებული ექიმის მიმართვა, რომელმაც იტალია შეძრა - "არ არსებობს სიტყვები, რომლებიც აღწერს, რა გამოსცადა ჩემმა სხეულმა, სულმა და გონებამ" [ქართული ტიტრებით]
"პირბადეები გაიკეთეთ, რა, მე კორონადან გამოვედი" - ექიმი ჟურნალისტებს
საშიშია თუ არა კორონავირუსი მათთვის, ვისაც გლანდები აქვს ამოჭრილი?
"იანვარში მქონდა ეს ვირუსი" -  კომენტარი, რომელსაც სოციალურ ქსელში დიდი გამოხმაურება მოჰყვა