გულშემატკივრებით გარშემორტყმულ ვანო მერაბიშვილს ავტომობილამდე მისვლა გაუჭირდა - პალიტრა ვიდეო

შინაგან საქმეთა ყოფილმა მინისტრმა ვანო მერაბიშვილმა პენიტენციური დაწესებულება, ე.წ. მატროსოვის ციხე დატოვა.

ვანო მერაბიშვილი პენიტენციური დაწესებულებიდან თითქმის 7-წლიანი პატიმრობის შემდეგ გაათავისუფლეს.

ყოფილი პრემიერ-მინისტრი და ყოფილი შინაგან საქმეთა მინისტრი ვანო მერაბიშვილი 2013 წლის მაისში დააკავეს. ის სასჯელს რამდენიმე საქმეზე იხდიდა, მათ შორის, 2011 წლის 26 მაისის აქციის დარბევის, სანდრო გირგვლიანის საქმეზე მტკიცებულებების დამალვის, ვალერი გელაშვილის მიმართ ფიზიკური ანგარიშსწორების, კვარიათის აგარაკისა და ამომრჩევლის მოსყიდვის საქმეზე.

სასჯელის შთანთქმის პრინციპით, მერაბიშვილს საბოლოოდ სასჯელის სახედ და ზომად 6 წლითა და 9 თვით თავისუფლების აღკვეთა შეეფარდა.