ჩინეთის ყველაზე ამბიციური, მარჯვე და აგრესიული ბრძოლა კორონავირუსის წინააღმდეგ - როგორ მოახერხა ქვეყანამ დაავადების "შეკავება"? - პალიტრა ვიდეო

მაშინ, როდესაც მსოფლიო კორონავირუსს ებრძვის, რომელიც მალე პანდემიად მოგვევლინება, ჩინეთი სხვა მაღალი რისკის ქვეყნებიდან ჩამომსვლელებზე მკაცრი კონტროლის დაწესებას გეგმავს. ამის მიზეზი ქვეყანაში კორონავირუსის ახალი შემთხვევების საგრძნობლად შემცირებული რაოდენობაა - ჩინეთის ტერიტორიაზე ბოლო 24 საათის განმავლობაში მხოლოდ 19 ახალი შემთხვევა დაფიქსირდა.

ოფიციალური მონაცემებით, კორონავირუსის შემთხვევები ჩინეთის ჰუბეის პროვინციის გარეთ თითქმის აღარ ფიქსირდება. ინფიცირებულთა რაოდენობის შემცირება თანდათანობით მოხდა. კოვიდ-19-ის პიკის დროს ჩინეთში დღეში 4 000 ახალი შემთხვევაც დაფიქსირებულა.

რისი დამსახურებაა, რომ 2019 წლის დეკემბერში ვუჰანში გაჩენილი დაავადება 3 თვის შემდეგ საკუთარ "სამშობლოში" უკან იხევს? უცხოური მედიის ინფორმაციით, ექსპერტები ხაზს უსვამენ, რომ ვირუსის შეკავების ერთ-ერთი მთავარი მიზეზი "აგრესიული კარანტინის გამოყენებაა".



ავტორი: ეკა აბაშიძე