რა ვალდებულება დაეკისრება მოქალაქეს, რომელიც საზოგადოებრივი ტრანსპორტით ისარგებლებს - "ჩვენ ამას გავუწევთ კონტროლს"
მინდა საზოგადოებამ იცოდეს, როგორც მეტროში, ავტობუსებსა და მიკროავტობუსებში აუცილებელი იქნება პირბადის ტარება, სხვანაირად უბრალოდ, შეუძლებელია და ეს მოსახლეობამ აუცილებლად უნდა გაითვალისწინოს,- ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა. მისი განმარტებით, საკოორდინაციო საბჭოს გადაწყვეტილებით, 29 მაისიდან ყველა სახის მუნიციპალური ტრანსპორტის მოძრაობა აღდგება.