დასუფთავების სამსახურის თანამშრომლებისთვის აჭარაში ტრენინგები დაიწყო
განთავსების ობიექტებში სტუმრების უსაფრთხოება, ჰიგიენის დაცვა და სასტუმროს დასუფთავება კოვიდ სტანდარტების გათვალისწინებით - ის მთავარი თემებია, რომლის შესახებაც აჭარის ტურიზმის დეპარტამენტმა ბათუმში ტრენინგები დაიწყო. ორკვირიან თეორიულ-პრაქტიკულ ტრენინგებზე მონაწილეები ისეთ მნიშვნელოვან თემებზე გადიან პრაქტიკულ სწავლებას, როგორებიცაა კოვიდ სტანდარტების დაცვით სასტუმრო ნომრებისა და სხვა სივრცეების დასუფთავება, შრომითი უსაფრთხოება, სტუმართან სწორი კომუნიკაცია, სხვადასხვა ტიპის ქსოვილების, ზედაპირების რეცხვა-დასუფთავების სპეციფიკა და დასუფთავების სამსახურის როლი სასტუმროში.
ტრენინგები ბათუმში 26 ივლისამდე ჩატარდება. მას რეგიონში არსებული განთავსების ობიექტების დასუფთავების სამსახურების თანამშრომლები ესწრებიან. ტრენინგი, აჭარის ტურიზმის დეპარტამენტის მიერ ჩატარებული სხვა ტრენინგ-სემინარების მსგავსად უფასოა და ბათუმის შემდეგ ის ქობულეთში ჩატარდება.
ტრენინგები ბათუმში 26 ივლისამდე ჩატარდება. მას რეგიონში არსებული განთავსების ობიექტების დასუფთავების სამსახურების თანამშრომლები ესწრებიან. ტრენინგი, აჭარის ტურიზმის დეპარტამენტის მიერ ჩატარებული სხვა ტრენინგ-სემინარების მსგავსად უფასოა და ბათუმის შემდეგ ის ქობულეთში ჩატარდება.