სალომე ღვინიაშვილმა საუცხოო იმიჯი მოირგო. მოდელმა ფოტოები გამოაქვეყნა, რომელშიც ჩანდა, რომ მას თმა გადაპარსული ჰქონდა. ფოტოებს დიდი გამოხმაურება მოჰყვა. მოგვიანებით კი, საზოგადოების მხრიდან ატეხილ აჟიოტაჟის გამო ტელეწამყვანმა საჯარო ვიდეო გამოაქვეყნა. რას ამბობს სალომე ღვინიაშვილი?

მოდელმა და ტელეწამყვანმა სოციალურ ქსელში ვიდეო გამოაქვეყნა, სადაც ამბობს, რომ თმა არ გადაუპარსავს და ეს უბრალო გრიმი იყო. „გადავწყვიტე რომ დაგენახოთ, იმიტომ რომ ჩემმა თმამ ძალიან დიდი აჟიოტაჟი გამოიწვია. ჩემთვის მართლა წარმოუდგენელი იყო, ასე ძალიან თუ გადარდებდათ ჩემი თავი. ეს იყო გადაღებისთვის გრიმი, რომელიც არაჩვეულებრივად შეასრულეს გიგა ბაგრატიონმა და სოფო მაჭავარიანმა. მათ დიდი მადლობა! ჩემი თმა ადგილზეა და ყველაფერი კარგად არის!“,- ამბობს სალომე.