დღეს, 14 აგვისტოს, აფხაზეთის ომის დაწყებიდან 28 წელი გავიდა. Palitravideo.ge წარმოგიდგენთ ანალიტიკურ პროექტს, რომელიც 2017 წელს მოვამზადეთ.

რა მდგომარეობაა ამჟამად საქართველოს უკიდურეს ჩრდილო-დასავლეთში მდებარე რეგიონში, აფხაზეთში, საქართველოს ოკუპირებულ კუთხეში, საიდანაც ბოლო პერიოდში სულ უფრო იშვიათად მოისმენთ ახალ ამბებს ტელევიზიით.
იქ მიმდინარე მოვლენებზე ან მისი დაბრუნების პერსპექტივებზე დღეს თითქმის აღარ საუბრობენ პოლიტიკოსებიც, მაშინ, როდესაც წლების წინ ყველაზე პოპულარულ წინასაარჩევნო დაპირებებს შორის, "დავიბრუნებთ აფხაზეთს", უპირობო ლიდერი იყო.

Palitravideo.ge-ს ამ ანალიტიკურ პროექტში "ოკუპირებული აფხაზეთი", რომელიც თავდაპირველად 2017 წელს გამოქვეყნდა, სხვადასხვა მიმართულების სპეციალისტები მოგვიყვებიან, თუ როგორ გვინადგურდება საქართველოს ტერიტორიის 12.5%, ვიდრე მას ვერ ვაკონტროლებთ.

განადგურებული ეკონომიკა, დანგრეული ინფრასტრუქტურა, მძიმე სოციალური ფონი, ნარკომანია, კრიმინალი, კორუფცია, შავი ბაზარი, დემოგრაფიული პრობლემები - ეს აფხაზეთის დღევანდელი ყოფაა.

Palitravideo.ge-ს ანალიტიკურ პროექტში მონაწილეობენ:
ზაზა აბაშიძე - საერთაშორისო ურთიერთობების სპეციალისტი,
გიორგი კანაშვილი - კონფლიქტოლოგი,
ქეთი ვასაძე - კონფლიქტოლოგი,
ზვიად ხორგუაშვილი - ეკონომისტი,
ავთანდილ ოქროსცვარიძე - გეოლოგი,
მამუკა არეშიძე - ჟურნალისტი
თათია დოლიძე - საქართველოს ახალგაზრდობის წარმომადგენელი გაეროში

პროექტზე მუშაობდნენ:
ჟურნალისტი: მაგდა მარიდაშვილი
მონტაჟის რეჟისორი: გიო კუსიანი
ოპერატორი: გიგა დანელია
გახმოვანება: რამაზ ხატიაშვილი
პროდიუსერი: გიორგი გიორგაშვილი

"პალიტრავიდეო", 2017 წელი