"ჩემს მეგობრებს ირაკლი ჩავლეიშვილი შეურაცხყოფას აყენებს. მეც ავიღე ეს ნაგვის ურნა და დავახურე თავზე", - ამის შესახებ არასამთავრობო ორგანიზაცია "ალტერნატივის" წევრმა ირაკლი ფანგანმა ჟურნალისტებს გათავისუფლების შემდეგ განუცხადა.

მისი თქმით, საჭიროების შემთხვევაში მსგავს ქმედებას კვლავ გაიმეორებს. ფანგანის განცხადებით, პროტესტის ეს ფორმა გამოხატვის თავისუფლებაში ჯდება.

ცნობისთვის, რამდენიმე დღის წინ აჭარის უმაღლესი საბჭოს დამოუკიდებელ დეპუტატ ირაკლი ჩავლეიშვილს სამოქალაქო აქტივისტებმა და არასამთავრობო ორგანიზაცია "ალტერნატივის" წევრებმა თავზე ნაგავი დააყარეს.

ირაკლი ფანგანს ბრალდება გუშინ წარედგინა და შემდეგ გათავისუფლდა, ვინაიდან პროკურატურა ბათუმის საქალაქო სასამართლოში ბრალდებულისთვის აღკვეთის ღონისძიების სახით გირაოს გამოყენებას მოითხოვს.