მძიმე კადრები რუსთავიდან, სადაც ავარია მოხდა - პალიტრა ვიდეო

რუსთავში, მშვიდობის ქუჩაზე ავტოსაგზაო შემთხვევა მოხდა. არსებული ინფორმაციით, "ინფინიტის" მარკის ავტომობილის მძღოლმა, სავარაუდოდ, საჭე ვერ დაიმორჩილა, გზის სავალი ნაწილიდან გადავიდა და რამდენჯერმე ამოტრიალდა. შემთხვევის შედეგად 3 ადამიანი დაშავდა.

ერთი 25 წლის დაშავებული მამაკაცი ქალაქის ცენტრალურ საავადმყოფოში გადაიყვანეს. მისი ჯანმრთელობის მდგომარეობა კრიტიკულად მძიმეა და რეანიმაციულ განყოფილებაშია მოთავსებული. ხოლო ორი დაშავებული კაცი სასწრაფო-დახმარების ეკიპაჟმა კლინიკა "რუსთავში" გადაიყვანა. მათი ჯანმრთელობის მდგომარეობა ფასდება, როგორც საშუალო სიმძიმის.

წყარო: inforustavi.ge