"ამ ეტაპზე ჩემი სრულყოფილი ცხოვრებისთვის სულ არ არის საჭირო ხელზე ბეჭედი" - მაია ასათიანი - პალიტრა ვიდეო

ტელეწამყვანი მაია ასათიანი ჟურნალ "სარკეს“ პირადი ცხოვრების შესახებ ესაუბრა:

"დრომ მასწავლა, რომ ყველაფერს სჯობს, პირად დეტალებზე არაფერი თქვა. და მაინც, დღემდე ყოველი მეორე მეკითხება, როდის გავთხოვდები და როდის გავაჩენ მეორე ბავშვს. ამ კითხვებს უკვე მივეჩვიე და მიხარია, რომ მალე უხერხულ კითხვებზე შემოვა ჯარიმა.

ჩემი აზრით, ქალისთვის სრულყოფილი ბედნიერება ყოველთვის არაა ქორწინებაში. უნდა იცხოვრო ისე, როგორც შენ მოგწონს. ამ ეტაპზე ჩემი სრულყოფილი ცხოვრებისთვის სულ არ არის საჭირო ხელზე ბეჭედი, რადგან ასე კარგად ვგრძნობ თავს. ეს იმას არ ნიშნავს, რომ პირადი ცხოვრება არ მაქვს. ბევრს უკვირს, რატომ არ ვიღებ ოჯახის შექმნის გადაწყვეტილებას. უბრალოდ, არ მინდა, რადგან მიყვარს საღამოობით ჩემს ბაღში მარტო ჯდომა. როდესაც ჩემს ცხოვრებაში რაღაც ისტორია მთავრდება, შემდეგ შემიძლია უკვე ამაზე ხმამაღლა საუბარი. ახლა ეს ეტაპი არ არის", - ამბობს ტელეწამყვანი.