"ვიგრძენი, რომ ვარ ცუდად, მაკანკალებს და ფეხზე მყარად ვერ ვდგავარ, ამ დროს ფანჯარაზე კაკუნია" - რა შეემთხვა ვიკა ბუკიას - პალიტრა ვიდეო

ჟურნალისტი ვიკა ბუკია სოციალურ  ქსელში წერს:

"გუშინ პლეხანოვზე რაღაც შეხვედრაზე ვიყავი. და რაღაც მომენტში ვიგრძენი, რომ ვარ ცუდად. მაკანკალებს და ფეხზე მყარად ვერ ვდგავარ. მოვუბოდიშე ხალხს და ჩავხტი მანქანაში, ჩავრთე გათბობა, დავრეკე სამსახურში. ჩავიკეცო ლამის, აშკარად სიცხე მიწევს და ამ დროს ფანჯარაზე კაკუნია. დგას კაცი. ხელით მანიშნებს ერთი წამით ჩამოწიეო. ვიფიქრე არ მგლიჯოს. მე საერთოდ არ მქონდა ძალა არც ამ კაცთან საუბრის და იმდენად ცუდად ვიყავი ინტერესიც არ მქონდა გამეგო რა უნდა. ჩამოწიე, ჩამოწიე, მაგარი რაღაც უნდა გითხრაო.
ჩავწიე და მეუბნება გამარჯვებული სახით: გამარჯობა, მე შენი ძმა ვარო. მეთქი ჰა?
თან მეცინება. თან მეზარება. თან ვფიქრობ იქნებ ჩემი ტემპერატურის ჰალუცინაციაა?
კი, კი, შენი ძმა ვარ მეო.
მამაჩემის ხელა ხართ და უფრო მამაჩემი იქნებით კარგად გაარკვიეთ მეთქი. აღელდა. პატრულს გამოვიძახებ ახლაო. მე თქვენი ძმა ვარ და პატრული გაარკვევს ამასო.
ბოლოს მთხოვა ცოტა ხურდები მომე, ქონების გაყოფას ხომ არ გთხოვო. მივეცი რაც მქონდა და წავიდა ჩემი ძმა." - წერს ვიკა ბუკია.