X
"კობა არ ელოდა, რომ ზურაბ ადეიშვილი იქნებოდა მისი ცემის საქმეში ბრძანების გამცემი... მიშასგან ყველაფერი ელოდა, მაგრამ ზურასგან – არა" - კობა დავითაშვილის მეუღლე
11:52 / 20-11-2021
"მიშამ ბევრი დაგვიშავა, მაგრამ მაინც ქვეყნის სახეა და მებრალება. ნეტავ, კობა რას იტყოდა ამ ყველაფერზე-მეთქი, ვფიქრობ. ძალიან მტკივა, რადგან თითქოს ის მივიწყებული ამბები თავიდან გავიარე", - ამის შესახებ კობა დავითაშვილის მეუღლემ, ინგა ბიწაძემ, ჟურნალ "სარკესთან" ინტერვიუში განაცხადა.

მისი თქმით, კობა დავითაშვილმა ყველას აპატია, მიხეილ სააკაშვილის გარდა.

"ბოლოს ყველას აპატია, მიშას გარდა. ამბობდა, რომ მას ყველაზე დიდი პასუხისმგებლობა ჰქონდა ქვეყნის წინაშე და არ ეპატიებოდა. ამბობდა, მე არაფერი მინდა, მაგრამ ნეტავ, თავის ზურგზე გამოსცადოს თავის ციხეში ყოფნა, თავისი სასამართლო და მიღებული კანონებიო. ახლა რომ ვუყურებ მიმდინარე ამბებს, სულ კობას სიტყვები მაქვს ყურში.

სააკაშვილი კობას გამო პირდაპირ ვერ დაადანაშაულეს, მაგრამ ამ საქმეზე ზურაბ ადეიშვილს დაუმძიმეს ბრალი და კობა ამის გამო ძალიან ნერვიულობდა. კობა არ ელოდა, რომ ზურაბ ადეიშვილი იქნებოდა მისი ცემის საქმეში ბრძანების გამცემი, რადგან ძალიან დიდ პატივს სცემდა. მიშასგან ყველაფერი ელოდა, მაგრამ ზურასგან – არა. მახსოვს, რომ გაიგო, როგორ შეხტა, რადგან არ ელოდა ამ ამბავს… ჩაიქნია ხელი…

გამოაცხადეს, სააკაშვილს ხელების ტრემორი აქვს და შეიძლება ცუდი რამ დაემართოსო. კლინიკაში გადავიყვანოთო. ხელების ტრემორი კი არა, საერთოდ ვერ ვეხებოდი კობას, შეხებაზე ისეთი მწვავე რეაქცია ჰქონდა…

თვითონ ბევრად უკეთეს პირობებშია. რომ მოათრევდნენ, კობას სახლიდან საავადმყოფოში გადაყვანა გამახსენდა, როცა ათმა კაცმა ძლივს გამოიყვანა. ძალიან ცუდი საყურებელია სააკაშვილის ამბები და, მიუხედავად იმისა, რომ ბევრი ბოროტება აქვს ჩადენილი, მაინც არ მინდა, ცუდი ვუსურვო. მაინც მინდა, კარგად იყოს და კანონის წინაშე აგოს პასუხი იმ დონეზე, რაც ნამდვილად ეკუთვნის…" - აღნიშნა ინგა ბიწაძემ.
ბოლო სიახლეები
Autoplay
პოპულარული
“ამას ნაღდად არ ველოდი! იმათმა კარგად გადააკოპირეს და ორიგინალი ჩვენია“ - ვიდეო, რომელიც ინტერნეტში ნახვების რეკორდს ხსნის
“სასწრაფოდ მოსაგვარებელია! ძალიან ბევრ პაციენტს დანიშნული აქვს ერთი და იგივე“ - წამლები, რომლებიც შეიძლება არ გვჭირდებოდეს და მაინც ფულს ვხარჯავთ
"ძველი საყვარლებივით გავიპარეთ... რომ დავთვერით თითქმის უგონოდ, პირველად მითხრა" - როგორ ულოცავს ნათია ფანჯიკიძე მეუღლეს დაბადების დღეს
“თანხა იყო ძალიან შთამბეჭდავი, მაგრამ უარი ვთქვი“ - რა შემთხვევა გაიხსენა გიორგი უშიკიშვილმა პირველად ეთერში?
ედუარდ შევარდნაძის პოლიტიკური კლასი - რა პასუხი გასცა უკმაყოფილო ვლადიმირ პუტინს 2002 წელს საჯაროდ?
სოფო ნიჟარაძე ელის-მარიას ახალ ვიდეოს აქვეყნებს - კადრები ვარსკვლავური დედა-შვილის ბინიდან
“ვიცი, რომ შევძლებ“ - გიორგი სუხიტაშვილი სარეაბილიტაციო ცენტრიდან ვიდეოს აქვეყნებს
“სამ დღეში მინუს 2 კილო“ - თათია სულუაშვილი კვების საგანგებო რეჟიმს გვიზიარებს