"შოკში ვარ, ძალიან ცუდად ვარ, არ ვიცი, რა უბედურება გველოდა" - რა აღმოაჩინეს თბილისის ერთ-ერთ სადარბაზოში?
ქსნის ქუჩაზე, ერთ-ერთ საცხოვრებელ კორპუსში ხელყუმბარის აღმოჩენის ფაქტზე შინაგან საქმეთა სამინისტროს თბილისის პოლიციის დეპარტამენტის, გლდანი-ნაძალადევის სამმართველოს მიერ გამოძიება დაიწყო. გამოძიება სისხლის სამართლის კოდექსის 236-ე მუხლის II ნაწილით მიმდინარეობს, რაც ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვას გულისხმობს.
სადარბაზოში ხელყუმბარის აღმოჩენის შესახებ ინფორმაცია სოციალურ ქსელში თავდაპირველად ჟურნალისტმა ნათია კუპრაშვილმა გაავრცელა.