შეზღუდვები, რომლებიც საავტომობილო გზების ნაწილზე, 17 მაისს დაგეგმილ ღონისძიებებთან დაკავშირებით დაწესდა
17 მაისს დაგეგმილ ღონისძიებებთან დაკავშირებით, საავტომობილო გზების ნაწილზე მოძრაობა შეიზღუდება. შინაგან საქმეთა სამინისტროს საპატრულო პოლიციის დეპარტამენტის ცნობით, დღეს, 08:00 საათიდან საავტომობილო მოძრაობა აიკრძალება პავლე ინგოროყვას და პეტრე ჩაიკოვსკის ქუჩებზე. დღის განმავლობაში მოძრაობა პერიოდულად შეიზღუდება შემდეგ ქუჩებსა და მოედნებზე: ვარდების მოედნიდან სამების საკათედრო ტაძრამდე; ასევე, ფილარმონიის მიმდებარე ტერიტორიაზე, ვარდების მოედანზე, ოპერის, პარლამენტისა და პუშკინის სკვერის მიმდებარე ტერიტორიებზე.