"შემოთავაზებები მივიღე სხვადასხვა უნივერსიტეტიდან" - აბიტურიენტი, რომელმაც ზოგად უნარებში უმაღლესი ქულა მიიღო, ქართული ენის ქულის გაპროტესტებას აპირებს - პალიტრა ვიდეო

დევი ონიანი ერთადერთი აბიტურიენტია, რომელმაც ზოგადი უნარების გამოცდაში მაქსიმალური ქულა მიიღო. ამბობს, რომ პირველი კლასიდან ბეჯითად მეცადინეობდა და მაღალი ქულა არ გაჰკვირვებია. დევი სამედიცინოზე აპირებს ჩაბარებას, თუმცა ქულების გამოქვეყნების შემდეგ სხვადასხვა უნივერსიტეტიდან შემოთავაზებები მიიღო და შესაძლოა, აზრი შეიცვალოს.

როგორც თავად ამბობს, ქართული ენისა და ლიტერატურის გამოცდაში მაქსიმალური 80 ქულიდან 70 ქულა მიიღო. ის ფიქრობს, რომ თემაში ქულა უსაფუძვლოდ დააკლეს და გაპროტესტებას  აპირებს. 



ავტორი: თიკო გურაშვილი