X
რაბათის ციხის ტერიტორიაზე ახალციხის განახლებული ტურიზმის საინფორმაციო ცენტრი გაიხსნა
11:36 / 24-05-2019
რაბათის ციხის ტერიტორიაზე ახალციხის განახლებული ტურიზმის საინფორმაციო ცენტრი გაიხსნა.
ღონისძიებას ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელის პირველი მოადგილე რუსუდან მამაცაშვილი, USAID საქართველოს წარმომადგენელი დავით წიკლაური, "USAID ზრდის" ხელმძღვანელი ბრაიან კინგი და სამცხე-ჯავახეთის გუბერნატორი ბესიკ ამირანაშვილი დაესწრნენ.


საქართველოს ტურიზმის ეროვნული ადმინისტრაცია და "USAID ზრდა" სამცხე-ჯავახეთსა და სამეგრელო-ზემო სვანეთში ტურიზმის განვითარების რეგიონული მოდელის შემუშავებას უწყობენ ხელს. შეიქმნა დანიშნულების ადგილის მართვის ორგანიზაცია (DMO). შედეგად "USAID ზრდა" და საქართველოს ტურიზმის ეროვნული ადმინისტრაცია ერთობლივად განსაზღვრავენ რეგიონში ტურიზმის განვითარებასთან დაკავშირებულ გამოწვევებს და პრიორიტეტებს, რაც ხელს შეუწყობს რეგიონის პოპულარიზაციას და მის უკეთ წარმოჩენას, ასევე სამცხე-ჯავახეთში და სამეგრელო-ზემო სვანეთში ეკონომიკური ზრდისა და დასაქმების ხელშეწყობას.


ბოლო ორი წლის განმავლობაში, "USAID ზრდამ", საქართველოს ტურიზმის ეროვნულ ადმინისტრაციასთან თანამშრომლობით, ახალციხეში, ბორჯომში, გორსა და ზუგდიდში მდებარე ტურიზმის საინფორმაციო ცენტრები სრულად აღჭურვა და თანამშრომლები გადაამზადა. აღნიშნული ინიციატივა მიზნად ისახავს მაღალი ხარისხის მომსახურების მიწოდების ხარჯზე აღნიშნულ რეგიონებში ტურისტული პოტენციალის ამაღლებას.


ბოლო სიახლეები
Autoplay
პოპულარული
"არაფერი არ მიცხოვრია, განადურებული ვარ" - რას ჰყვება 22 წლის ხაშურელი ქალი, რომელმაც ტყუპი გოგონა გააჩინა, შინ დაბრუნებულს კი მეუღლე გარდაცვლილი დახვდა
ვინ არის ქართველი მხატვარი, რომელმაც კოსმოსში გამოფენა მოაწყო - ნახეთ უნიკალური ვიდეომასალა სტრატოსფეროდან
ჩხუბი და დასისხლიანებული მონაწილეები რუსულ არხზე - პოლიციამ სტუდიაშივე დააკავა მამაკაცი, რომელსაც 14 წლის გოგონას შეცდენას აბრალებენ