უკრაინის მოქალაქის, ირინა სავიცკაიას წარმომადგენლები საქართველოს ხელისუფლებას სთხოვენ, მისი უკრაინაში ექსტრადიცია არ დაუშვას
22 აგვისტოს ჯეპრას კომპეტენციის ცენტრში უკრაინის მოქალაქის, ირინა სავიცკაიას უფლებადამცველების მიერ პრესკონფერენცია გაიმართა. უფლებადმცველების განმარტებით, უკრაინის გენერალური პროკურატურა საქართველოს ხელისუფლებისგან სავიცკაიას ექსტრადირებას მოითხოვს. საექსტრადიციო პროცედურების დასრულებამდე ირინა სავიცკაიას აღკვეთის ღონისძიების სახით პატიმრობა შეეფარდა. ირინა სავიცკაია უკრაინული კომპანია "სნეკ-ექსპორტის" მიერ წარმოებული პროდუქციის გაყიდვებით დაკავებული ერთ-ერთი კომპანიის ბუღალტერია და ამასთანავე, რადიკალური ოპოზიციური პარტიის აქტივისტი.