X
აჭარაში ფრინველებზე დაკვირვების ფესტივალი 24-30 სექტემბერს ჩატარდება
10:34 / 18-09-2017

წელს აჭარაში ფრინველებზე დაკვირვების საერთაშორისო ფესტივალი 24-30 სექტემბერს გაიმართება. მტაცებელ ფრინველებზე დასაკვირვებლად რეგიონს უცხოელი ექსპერტები, მოხალისეები და ტურისტები მსოფლიოს სხვადასხვა ქვეყნიდან ესტუმრებიან. ფესტივალის ფარგლებში დაგეგმილია გასვლითი ექსკურსიები, თემატური სემინარები და ვორქშოპები ფრინველებზე დაკვირვების პლატფორმებზე.

ფრინველებზე დაკვირვების ტურიზმი რეგიონში ბოლო წლებია უფრო და უფრო პოპულარული ხდება. აჭარის ვიწრო საიმიგრაციო დერეფანში მილიონზე მეტი მტაცებელი ფრინველის გადაფრენას რეგიონში ყოველწლიურად ასობით ადამიანი აკვირდება. შავი ზღვის სანაპირო, კერძოდ, ბათუმის შემოგარენი "აღმოსავლეთ შავი ზღვის სამიგრაციო დერეფნის" სახელითაა ცნობილი, სადაც ყოველწლიურად 1 000 000-ზე მეტი გადამფრენი მტაცებელი ფრინველი აღირიცხება.

ფრინველებზე დაკვირვების ფესტივალში მონაწილეობა უფასოა და მსურველებს რეგისტრაციის გავლა შეუძლიათ ტურისტულ-საინფორმაციო ცენტრებში, საკონტაქტო ნომერზე +995 977 90 90 93/ +995 977 90 90 91 ან ელექტრონული ფოსტით agency@gobatumi.com. მონაწილეებისთვის ყოველდღიურად მოეწყობა გასვლითი ექსკურსიები ფრინველებზე დაკვირვების სხვადასხვა ადგილზე.

ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა