X
ქართული ღვინის ფესტივალი 2017 - ღონისძიება, რომელიც არ უნდა გამოტოვოთ
11:22 / 11-10-2017
”ქართული ღვინის ფესტივალი 2017” ღვინის ონლაინმაღაზია allwine.ge-სა და ”მეიდან ჯგუფის“ ორგანიზებით 15 ოქტომბერს შარდენის მოედანზე გაიმართება. ღონისძიებაზე, რომელიც 12:00-და 19:00 საათამდე ღია იქნება სტუმრებისთვის, მცირე, საშუალო და დიდი მწარმოებლები საკუთარ ღვინოებს წარადგენენ და ერთმანეთს საუკეთესო მეღვინის ტიტულის მოპოვებაში შეეჯიბრებიან. გამოფენაზე 40-მდე სახეობის ღვინის დეგუსტაცია და გამოფენა-გაყიდვა იგეგმება. უნიკალური ჯიშის ყველი, საუკეთესო ჩურჩხელა და ჩირი, თაფლი, ქართული პური, მრავალფეროვანი მუსიკა - ეს მხოლოდ მცირედია იმ ჩამონათვალიდან, რაც ფესტივალზე დაგხვდებათ და რომელში მონაწილეობის მიღების შესაძლებლობაც ხელიდან არ უნდა გაუშვათ.

”ქართული ღვინის ფესტივალი 2017” მრავალფეროვანი აქტივობებით იქნება დატვირთული. აქ საკუთარი ინტერესების დაკმაყოფილებას ნებისმიერი გემოვნების მქონე ადამიანი შეძლებს. ღვინის ისტორიის გაცნობა შესაძლებელი იქნება როგორც ღვინის დაგემოვნებით, ასევე წიგნებისა და თანამედროვე ტექნოლოგიების საშუალებით. წარმოდგენილი იქნება გამომცემლობა ”პალიტრა L”, რომლის სტენდზეც მრავლად ნახავთ წიგნებს ღვინის შესახებ. აქვე იქნება კომპანია VR House, რომელიც ვირტუალური რეალობის სათვალეების საშუალებით ქართულ ტრადიციებში, ღვინის წარსულში გამოგზაურებთ. მოეწყობა ღვინის შადრევანიც, რომლის მსგავსიც საქართველოში ჯერ არ ყოფილა.
მრავალმხრივია ღონისძიების შემოქმედებითი ნაწილიც. ფესტივალს შემოუერთდა პანტომიმისა და დრამის მსახიობებისგან შემდგარი გუნდი Art Shok Company. მიმები იზრუნებენ, რომ სტუმრებს საუკეთესო განწყობა შეუქმნან და ”ქართული ღვინის ფესტივალი 2017” განსაკუთრებული გახადონ. მუსიკალურად კი ქართული ფოლკლორული ანსამბლები ”ჰერიოს კვარტეტი” და ”სამება” გააფორმებენ.

”ქართული ღვინის ფესტივალი 2017-ის” გენერალური სპონსორია ”ხალიკ ბანკი საქართველო”. ღონისძიების პარტნიორები არიან: ”საქართველოს სომელიეთა ასოციაცია”, ტურიზმის ეროვნული დაჯილდოება „Welcome to Georgia“.
ბოლო სიახლეები
Autoplay
პოპულარული
"ვცხოვრობდი ხელოვნებისთვის, სიყვარულისთვის. რატომ, ღმერთო?! - ჯაშუშობის ბრალდებით დახვრეტილი თბილისის ოპერის პოლონელი პრიმადონა და ქართულ-პოლონური სიყვარული
სააკაშვილი უკვე გმირია, იმის მიუხედავად, დაიჭერენ თუ არა - გია ხუხაშვილი
როგორ დააკავა სპეცრაზმმა სახურავზე მყოფი მიხეილ სააკაშვილი
როგორ ეწინააღმდეგება მიხეილ სააკაშვილი სპეცრაზმს, რომელიც მის მანქანაში ჩასმას ცდილობს
"შიში უნდა ჰქონდეთ ამ დანის და იარაღის ტარების" - ნიკუშა ნატროშვილი
ბრალდებულმა დანა გამოიყენა მხოლოდ ერთხელ... სხვა ჭრილობები, სავარაუდოდ, მიაყენეს სხვა პირებმა - დაკავებული არასრულწლოვანის ადვოკატი
არამეულის შემდეგ მამა სერაფიმემ ქართულად პირველად იგალობა - ემოციური საგალობელი, რომელიც ინტერნეტს იპყრობს
ქართველი კონკურსანტის მორიგი გამოსვლა გერმანულ "ვოისში", აცეკვებული დარბაზი და "გადარეული" ჟიური - "სუპერ! სუპერ!"