კიოლნის რკინიგზის სადგურის მიმდებარე ტერიტორიაზე მძევლები აიყვანეს - პალიტრა ვიდეო

გერმანიაში, ქალაქ კიოლნის რკინიგზის სადგურის მიმდებარე ტერიტორიაზე მძევლები აიყვანეს.

გერმანიის პოლიცია მოსახლეობას მოუწოდებს, რკინიგზის სადგურის მიმდებარე ტერიტორიაზე გადაადგილებისგან თავი შეიკავონ.

"ბრესლაუერ პლაცის მოედნის რაიონში მძევლების აყვანის ფაქტი დაფიქსირდა. პოლიცია ადგილზე იმყოფება და სიტუაციას არკვევს", - ნათქვამია პოლიციის განცხადებაში.

ამ მომენტისთვის არ არის ზუსტი ინფორმაცია, თუ რამდენი მძევალია აყვანილი. გავრცელებული ინფორმაციით, შემთხვევის ადგილზე სროლის ხმა ისმოდა.