X
ტრაგედია ინდონეზიაში: ვულკანის ამოფრქვევამ ცუნამი გამოიწვია, რომლის შედეგად დაღუპულთა რიცხვმა 280-ს გადააჭარბა, დაშავებულია 1000-ზე მეტი
10:08 / 24-12-2018
ინდონეზიაში ცუნამის შედეგად დაღუპულთა რიცხვმა 280-ს გადააჭარბა, დაშავებულია 1000-ზე მეტი ადამიანი.

ცუნამი სუმატრასა და იავას კუნძულებზე ვულკან "ანაკ კრაკატაუს" ამოფრქვევამ გამოიწვია. სანაპირო რეგიონებში მცხოვრებ მოსახლეობას კიდევ ერთი ცუნამის შესახებ აფრთხილებენ.

"მეტეოროლოგების, კლიმატოლოგებისა და გეოფიზიკის სააგენტოს რეკომენდაციაა, რომ მოსახლეობამ სანაპიროზე ნებისმიერი ქმედებებისგან თავი შეიკავოს და სანაპირო ზოლს გაეცალოს," - განაცხადა ბუნებრივ კატასტროფათა მართვის ეროვნული სააგენტოს პრესსპიკერმა.

შეგახსენებთ, ცუნამის შედეგად საცხოვრებელი სახლები და სხვა ინფრასტრუქტურა განადგურდა. სამაშველო ჯგუფები ნანგრევებში მოყოლილებს ეძებენ. ვარაუდობენ, რომ მსხვერპლი კიდევ გაიზრდება.

ვულკანი კრაკატაუ კვირას ამოიფრქვა.


ასევე დაგაინტერესებთ: დრამატული კადრები ინდონეზიიდან: ცუნამიმ სცენა და საკონცერტო დარბაზი ჩამოანგრია



ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა