კიევში, 2 იანვარს, სახელმწიფო უსაფრთხოების დეპარტამენტის თანამშრომელი, პეტრე პოროშენკოს დაცვის წევრი ვასილი ხმელიუკი მოკლეს. მომხდარ მკვლელობაში ეჭვმიტანილად უკრაინაში ცნობილი მოკრივე პიოტრ ოჩერეტიანი სახელდება.
Страна.ua-ს ინფორმაციით, ხმელიუკს საცხოვრებელ სახლთან მისვლისას სპორტულ ტანისამოსში ჩაცმულ მამაკაცთან, რომელიც ძაღლს ასეირნებდა, კონფლიქტი მოუვიდა. ხმელიუკი ადგილზე გარდაიცვალა. ექიმების ინფორმაციით, პოროშენკოს დაცვის თანამშრომელი არა დაცემით, არამედ თავში მიყენებული დარტყმის შედეგადაა გარდაცვლილი. თავდამსხმელი თავისი ნებით მივიდა პოლიციაში ადვოკატთან ერთად. ეჭვმიტანილს 15 წლით თავისუფლების აღკვეთა ემუქრება. 
ინტერნეტში ვრცელდება ვიდეო, თუ როგორ კლავენ პოროშენკოს დაცვის თანამშრომელს. კადრში ჩანს დაახლოებით 4 ადამიანი, ვინც კონფლიქტში მონაწილეობს. მათგან მხოლოდ ცნობილი მოკრივეა იდენტიფიცირებული.