პოლონეთის ერთ-ერთი ქალაქის მერი, საქველმოქმედო შოუს დროს, პირდაპირ სცენაზე დაჭრეს - პალიტრა ვიდეო

პოლონეთის ქალაქ გდანსკის მერს თავს დაესხნენ. როგორც "ბი-ბი-სი" იტყობინება, იგი სერიოზულად დაშავდა. ინციდენტი ქვეყნის ყველაზე მასშტაბურ საქველმოქმედო საღამოზე მოხდა.

53 წლის პაველ ადამოვიჩი საავადმყოფოში გადაიყვანეს. მას 5 საათის განმავლობაში უკეთებდნენ ოპერაციას. თავდასხმაში ეჭვმიტანილი 27 წლის მამაკაცი, რომელსაც კრიმინალური წარსული ჰქონდა, დააკავეს.

როგორც ცნობილია, ეჭვმიტანილი ყვიროდა, რომ იგი წინა მთავრობამ, რომელიც ადამოვიჩის მხარდამჭერია, უსამართლოდ ჩასვა ციხეში. სავარაუდოდ, თავდასხმის მოტივიც ეს გახდა.