კანადის მოქალაქეს ჩინეთში სიკვდილით დასჯიან - გაიგეთ, რატომ
კანადის მოქალაქეს ჩინეთში სიკვდილით დასჯა მიუსაჯეს. მას ნარკოტიკების კონტრაბანდაში ედება ბრალი. რობერტ ლოიდ შელენბერგს ნოემბერში 15-წლიანი პატიმრობა მიუსაჯეს, თუმცა, მიმდინარე კვირას ჩინეთის სასამართლომ განაცხადა, რომ მისი დანაშაულისთვის აღნიშნული სასჯელი მსუბუქია. ექსპერტები ვარაუდობენ, რომ აღნიშნულ გადაწყვეტილებას კანადასა და ჩინეთს შორის დიპლომატიური ურთიერთობის დაზარალება მოჰყვება. კანადის პრემიერმა ჯასტინ ტრუდომ ჩინეთის სასამართლოს გადაწყვეტილება უკვე დაგმო. შეგახსენებთ, კანადელისთვის სიკვდილის დასჯის გადაწყვეტილება გასულ თვეს კანადაში ჩინური კომპანია "ჰუავეის" ფინანსური დირექტორის დაკავებას მოჰყვა.