X
პირველი კადრები სტამბოლიდან, სადაც 6-სართულიანი სახლი ჩამოინგრა - არის მსხვერპლი
19:06 / 06-02-2019
თურქეთში, ქალაქ სტამბოლის ერთ-ერთ უბანში 6-სართულიანი სახლი ჩამოინგრა. არსებული ინფორმაციით, არის მსხვერპლიც.

ადგილზე სამაშველო და სამედიცინო სამსახურები მუშაობენ. როგორც თურქული მედია იუწყება, მაშველებმა ოპერაცია დაიწყეს. ნანგრევებში შესაძლოა, ხალხი იყოს მოყოლილი. საცხოვრებელი სახლის ჩამონგრევის მიზეზები ჯერ უცნობია.

ამ დროისთვის საცხოვრებელი სახლის ნანგრევებიდან სამი ადამიანის გამოყვანა მოხერხდა. ამის შესახებ ადგილობრივი მედია იუწყება.წინასწარი მონაცემებით, მომხდარის შედეგად, ერთი ადამიანი დაიღუპა. გუბერნატორის, ალი ერლიკაიას განცხადებით, სახლს სამი სართული უკანონოდ ჰქონდა დაშენებული. ის 1992 წელს აშენდა. მასში 14 ბინა იყო და 43 ადამიანი ცხოვრობდა.

სტამბოლის ხელისუფლებამ შემთხვევის გაშუქება დროებით აკრძალა.
ბოლო სიახლეები
Autoplay
პოპულარული
ანსამბლმა "რუსთავმა" დარბაზში "ჩაკრულო" შეასრულა
პროცესზე არ გამოცხადებულან მაია რჩეულიშვილი და ქეთევან ჟორდანია