X
მთვრალი რუსი კაპიტანი გიგანტური სატვირთო გემით ხიდს შეასკდა
10:31 / 01-03-2019
სამხრეთ კორეაში საავტომობილო ხიდს რუსული სატვირთო გემი შეეჯახა - "დეილი მეილი" წერს, რომ გემის კაპიტანი ნასვამი იყო.
6 000-ტონიანი "სიგრანდი" ქალაქ ბუსანში მდებარე გვანგანის ხიდს გუშინ შეეჯახა. ამის შემდეგ კი გემმა მობრუნება სცადა, რა დროსაც კორეის სანაპირო დაცვამ შეაჩერა.

უწყების წარმომადგენლის თქმით, კაპიტნის სისხლში ალკოჰოლის დაშვებულზე სამჯერ მეტი რაოდენობა აღმოჩნდა.
ადგილობრივი საინფორმაციო სააგენტო წერს, რომ"სიგრანდი" ინციდენტამდე 40 წუთით ადრე სანაპიროსთან მიბმულ საკრუიზო გემს დაეჯახა.
სამართალდამცველები ცდილობენ გაარკვიონ, იმყოფებოდა თუ არა შეჯახების დროს შტურვალთან კაპიტანი. ასევე, გამოძიებას აინტერესებს, როგორ აღმოჩნდა ხომალდი კორეის სიგრძით მეორე ხიდთან, როდესაც ის საპირისპირო მიმართულებით უნდა წასულიყო.

კორეის სანაპირო დაცვის ინფორმაციით, "სიგრანდი" ვლადივოსტოკიდან ბუსანში ოთხშაბათს დილით ჩავიდა. მომხდარის შედეგად არავინ დაშავებულა, თუმცა ხიდის ნაწილი უსაფრთხოების გამო გადაიკეტა.

ბოლო სიახლეები
Autoplay
პოპულარული
რა ხდება ვალუტის ჯიხურებში მას შემდეგ, რაც ლარი ისტორიულ მინიმუმამდე დაეცა
"კაცს დაგიყენებ, როგორ შიმშილობ, უნდა შეგამოწმოო! - ეს მღვდელია?!.." - უგულავა მამა დავით ისაკაძეზე
რუსი ოლიგარქის აღშფოთებული ქართველი ცოლის ლაივ-ჩართვა "რ2"-ის ოფისთან - "თავს კოშმარულად ვგრძნობ, გეგონება შემაფურთხეს"