კადრები რუსეთიდან, სადაც ბურიატეთის რესპუბლიკაში ავიაკატასტროფა მოხდა - პალიტრა ვიდეო

ბურიატეთის რესპუბლიკაში, რომელიც რუსეთის ფედერაციის შემადგენლობაში შედის, ავიაკატასტროფა მოხდა. ნიჟენეანგარსკის აეროპორტში Ан-24 ტიპის სამგზავრო თვითმფრინავმა ავარიული დაშვება განახორციელა. კატასტროფის შედეგად 2 მფრინავი გარდაიცვალა. მაშველების ინფორმაციით, კიდევ 19 ადამიანი ჰოსპიტალიზებულია. თვითმფრინავის ბორტზე ჯამში 43 ადამიანი იმყოფებოდა, მათ შორის, ერთი მცირეწლოვანი. ხუთშაბათს დილით ავიაკომპანია "ანგარის" კუთვნილი თვითმფრინავი ნიჟნეანგარსკიდან ქალაქ ულან-უდეს მიმართულებით მიფრინავდა. აფრენის მომენტში თვითმფრინავის ერთი ძრავა მწყობრიდან გამოვიდა.

ეკიპაჟმა აეროპორტში დაბრუნების გადაწყვეტილება მიიღო. დაშვებისას თვითმფრინავი ასაფრენი ბილიკიდან გადავიდა და შენობას დაეჯახა, რის გამოც ხანძარი გაჩნდა.