რა ხდებოდა ერევნის ქუჩებში, როდესაც ქალაქი, რამდენიმე საათით, ელექტროენერგიის გარეშე დარჩა - პალიტრა ვიდეო

სომხეთის დედაქალაქი ერევანი ოთხშაბათს საღამოს ელექტროენერგიის გარეშე დარჩა, რის შედეგადაც მეტრომ მუშაობა შეაჩერა, რამდენიმე მატარებელი კი გვირაბში გაჩერდა. შედეგად, მგზავრების ევაკუაცია გახდა საჭირო.

ქალაქი ელექტროენერგიის გარეშე რამდენიმე საათის განმავლობაში იყო. შემდეგ კი დენის მიწოდება ეტაპობრივად აღდგა. ამჟამად მეტრო ჩვეულ რეჟიმში ფუნქციონირებს. სრული გათიშვა რეგიონებს არ შეხებია. სომხეთის მთავრობის პრესსპიკერის განცხადებით, ინციდენტი ერევნის თბოელექტროსადგურზე მომხდარმა შეფერხებამ გამოიწვია.