უკრაინაში, ბორისპოლის აეროპორტის გზაზე უკრაინელმა სამართალდამცველებმა საქართველოს სამი მოქალაქე დააკავეს. ისინი ყაჩაღობის ბრალდებით არიან დაკავებული. ამის შესახებ ინფორმაციას უკრაინული მედია ადგილობრიი პოლიციაზე დაყრდნობით ავრცელებს. მათივე ინფორმაციით, სამი ნიღბიანი პირი კიევის ოლქის ერთ-ერთ სოფელში თავს დაესხა ერთ-ერთ მეწარმეს და მის მეუღლეს. მათ გაკოჭეს სახლის პატრონები, გაიტაცეს ძვირფასეულობა და დიდი ოდენობით თანხა, აგრეთვე მათი კუთვნილი ავტომობილი “ლექსუსი”.

უკრაინელი სამართალდამცველების ინფორმაციით, ეჭვმიტანილები 33, 41 და 43 წლის არიან, რომლებსაც უკრაინაში ცხოვრების უფლება ჰქონდათ.

დაკავებულების ჩხრეკისას ამოღებულია ცეცხლსასროლი იარაღი.

უკრაინელი სამართალდამცავები აღნიშნულის შესახებ ვიდეომასალასაც ავრცელებენ.


ასევე იხილეთ: უკრაინაში ყაჩაღობის ბრალდებით დაკავებული ქართველებიდან 2 საქართველოს შსს-ს ყოფილი მაღალჩინოსანია