ვრცელდება ხანძრის კადრები, რომელიც იახტაზე გაჩნდა - 8 ადამიანი დაიღუპა, 30-მდე კი დაკარგულია - პალიტრა ვიდეო

კალიფორნიაში, სანტა-კრუზის კუნძულთან ახლოს, იახტაზე ხანძრის შედეგად 8 ადამიანი დაიღუპა, 30-მდე კი ამ დრომდე დაკარგულია.

ცეცხლმა იახტა სრულად გაანადგურა. კატასტროფის ადგილას სამძებრო-სამაშველო ოპერაციები გრძელდება.

როგორც ადგილობრივი მედია შესაბამის უწყებებზე დაყრდნობით წერს, იახტაზე სულ 39 ადამიანი იმყოფებოდა, ეკიპაჟის ხუთმა წევრმა თავის დაღწევა შეძლო.

ცეცხლის გაჩენის მიზეზი უცნობია. იახტა კომერციული იყო და ყვინთვის სერვისისთვის გამოიყენებოდა.