სათვალთვალო კამერამ გადაიღო საზარელი ავარია, რომელსაც 17 სტუდენტი ემსხვერპლა - პალიტრა ვიდეო

სულ მცირე 17 სტუდენტი დაიღუპა ტაილანდის ქალაქ სამუტპრაკანში ავარიის შედეგად. ყველა მათგანი ტექნიკურ კოლეჯში სწავლობდა. ავტომანქანის მძღოლმა სერიოზული დაზიანებები მიიღო.

თვითმხილველების განცხადებით, მგზავრებით დატვირთული ავტომობილი დიდი სისწრაფით მოძრაობდა. მან უცბად გადაუხვია მთავარი გზიდან, ბოძებს შეეჯახა და გადაბრუნდა. შედეგად, 12 სტუდენტი ადგილზე, ხუთი კი საავადმყოფოში გარდაიცვალა. გავრცელდა მომხდარის ვიდეოკადრებიც, რომელსაც პოლიცია სწავლობს.