მომენტი, როცა გერმანიის ეკონომიკის მინისტრმა ცხვირი გაიტეხა - პალიტრა ვიდეო

გერმანიის ეკონომიკის მინისტრი დორტმუნდში ციფრულ ტექნოლოგიებთან დაკავშირებულ კონფერენციაზე სიტყვით გამოსვლის შემდეგ, სცენიდან ჩამოსვლისას წაიქცა და ცხვირი გაუტყდა. ამის შესახებ ინფორმაციას და ვიდეოკადრებს "შპიგელი" ავრცელებს.

პეტერ ალტმაიერს სცენიდან ჩამოსვლისას ფეხი დაუცდა და ჩამოვარდა. ინციდენტის გამო კონფერენციის მონაწილეებს დარბაზი დაატოვებინეს. აუცილებელი გახდა მინისტრის საავადმყოფოში გადაყვანა, სადაც განაცხადეს, რომ ალტმაიერს ცხვირის ძვლის მოტეხილობა და სხეულის დაჟეჟილობა აქვს.